Ерөнхийлөгч У.Хүрэлсүх Үндэсний их баяр наадмыг тохиолдуулан даваа гараас эхлэн төрийн одон медаль гардуулж байгаа. Өнөөдөр шагнал гардуулах сүүлийн өдөр бөгөөд УИХ-ын 17 гишүүнд төрийн шагнал олгожээ. Ингэхдээ шагнал гардуулах ёслолоо хаалттай хийсэн байна.
Шагнуулж байгаа 17 гишүүний найм нь УИХ дахь АН-ын гишүүд бол бусад нь МАН-ын гишүүд байгаа аж.
Тодруулбал, МАН-ын гишүүдээс УИХ-ын дарга С.Бямбацогт гавьяат хуульч, Төрийн байгуулалтын байнгын хорооны дарга Б.Жавхлан гавьяат эдийн засагч, УИХ-ын гишүүн Т.Мөнхсайхан гавьяат эмч, УИХ-ын гишүүн Д.Бум-Очир соёлын гавьяат зүтгэлтэн цолоор шагнуулжээ. Харин Хөдөлмөрийн гавьяаны улаан тугийн одонгоор Аж үйлдвэр эрдэс баялгийн сайд Г.Дамдинням, Сангийн сайд З.Мэндсайхан, УИХ-ын гишүүн Н.Наранбаатар, О.Саранчулуун нар шагнуулсан байна.
Харин АН-ын бүлгийн гишүүдээс УИХ-ын гишүүн Х.Болормаа гавьяат эдийн засагч, УИХ-ын гишүүн Х.Тэмүүжин, Д.Ганбат нар гавьяат хуульч, Л.Мөнхбаясгалан соёлын гавьяат зүтгэлтэн цолоор шагнуулжээ. Харин Хөдөлмөрийн гавьяаны улаан тугийн одонгоор УИХ-ын гишүүн Ж.Баярмаа, О.Алтангэрэл, Г.Ганбаатар, Р.Сэддорж, Х.Жангабыл нарыг шагнасан байна.
Түүнчлэн ХҮН намын дарга Т.Доржханд гавьяат эдийн засагч болжээ. Тэрээр 2020 онд анх УИХ-ын гишүүнээр сонгогдсон бөгөөд 2024 оноос Засгийн газрын гишүүнээр ажиллаж байгаа.
