НИТХ өнөөдөр 11.00 цагт хуралдаж нийслэлийн Засаг даргыг томилох асуудлыг хэлэлцэхээр тов гаргажээ.

Өчигдөр нийслэлийн МАН-ын хороо хуралдаж Б.Пүрэвдагвыг нийслэлийн Засаг даргаар томилохыг дэмжсэн. Ингээд саналаа НИТХ дахь МАН-ын бүлэгт хүргүүлсэн бөгөөд бүлгээс НИТХ-д саналаа оруулсан. Бүлгээс оруулсан саналыг НИТХ хуралдан шийдэх бөгөөд төлөөлөгчдийн олонх дэмжвэл Ерөнхий сайдад уламжилна. НИТХ-аар томилсон Засаг даргыг Ерөнхий сайд батламжилснаар нийслэлийн Засаг дарга томилогдох юм.

Б.Пүрэвдагва МАН-ын СДЗХ-ны Ерөнхийлөгчөөр ажиллаж байгаа бөгөөд намын Удирдах зөвлөлөөс нийслэлийн Засаг даргаар томилохоор санал оруулж, шат шатны байгууллага нь хуралдан дэмжээд байгаа. Тэрээр МАН-д 2009 онд элсэж байсан ч төрд ямар нэгэн албан тушаал хашиж байгаагүй. Энэ утгаараа өчигдөр нийслэлийн намын гишүүд хүлээн зөвшөөрөгдөж ирээгүй, хүчээр ирсэн. Тиймээс эв нэгдлээ хангаж, өмнөх Засаг даргын эхлүүлсэн ажлуудыг үргэлжүүлэхийг захьсан.

Дашрадамд дурдахад, 1990 оноос хойш нийт 14 хүн Улаанбаатар хотын даргаар ажиллаж байжээ.

• Лхамсүрэнгийн Энэбиш (1990-1992)
• Цэрэндэмбэрэлийн Баасанжав (1992-1996)
• Жанлавын Наранцацралт (1996-1998)
• Миеэгомбын Энхболд (1999-2005)
• Цогтын Батбаяр (2005-2007)
• Түдэвийн Билэгт (2007-2008)
• Гомбосүрэнгийн Мөнхбаяр (2008-2012)
• Эрдэнийн Бат-Үүл (2012 оны 8 сарын 7-2016 оны 7 сарын 7)
• Сундуйн Батболд (2016-2018)
• Жанцангийн Батбаясгалан (Үүрэг гүйцэтгэгч) (2018 оны 12 сар-2019 оны 2 сар)
• Сайнбуянгийн Амарсайхан (2019 оны 2 сарын 27-2020 оны 7 сарын 1)[3][4][5]
• Жанцангийн Батбаясгалан (Үүрэг гүйцэтгэгч) (2020 оны 7 сарын 1-2020 оны 10 сарын 23)
• Долгорсүрэнгийн Сумъяабазар (2020 оны 10 сарын 23-2023 оны 10 сарын 12)[6][7]
• Хишгээгийн Нямбаатар (2023 оны 10 сарын 12 -2026 оны 05 сарын 16 хүртэл) ажиллажээ.