Уул уурхайн компаниуд ашигтай ажилласан эсэхээс үл хамааран 16 төрлийн татвар, шимтгэл, хураамж төлдөг. Өнөөдөр Монгол Улсын Засгийн газар, Монголын Татварын албанаас 2025 оны шилдэг татвар төлөгчдөө шалгарууллаа.

Тавантолгойн бүлэг ордын дөрвөн хувьд үйл ажиллагаа явуулдаг Энержи Ресурс ХХК 17 жил татвар төлж байгаагаас 15 жилд нь шилдэг татвар төлөгчийн жагсаалтад багтаж байна. Тус компани өнгөрсөн жил групп компанийн хэмжээнд орлогын албан татвар, борлуулалтаас шууд төлдөг АМНАТ, агаар, ус, газрын лицензийн төлбөр гээд нийт 16 төрлийн татвар, хураамж, шимтгэлд 512 тэрбум төгрөг төлжээ.

Дээрх олон төрлийн татвараас гадна ажиллагсдын цалин, тэтгэлэг, захиргааны гээд "нүдэнд харагддагүй" олон зардлыг аж ахуйн нэгжүүд үүрч явдаг. Татварын төрлүүдийн задлаж харвал:

• Аж ахуйн нэгжийн орлогын албан татвар
• Ашигт малтмалын нөөц ашигласны татвар
• Эрүүл мэнд, нийгмийн даатгалын шимтгэл
• Суутган татварууд 
• Хувь хүний орлогын албан татвар
• Импортын гаалийн татвар
• Экспортын гаалийн хураамж 
• Агаарын бохирдлын төлбөр
• Үл хөдлөх хөрөнгө эзэмшсэний татвар 
• Усны төлбөр
• Нэмүү өртөг ашигласан татвар
• Газрын төлбөр
• Авто татвар
• Уурхайн лицензийн төлбөр
• Экспортын гаалийн мэдүүлэг
• Бусад татвар, хураамж

Түүнчлэн сум, орон нутгийн бүтээн байгуулалтад Энержи Ресурс ХХК 1 тэрбум гаруй ам.долларын хөрөнгө оруулалт хийжээ.