Геодези, усны барилга байгууламжийн газар ОНӨААТҮГ энэ онд нийслэлийн төсвийн хөрөнгө оруулалтаар 19 байршилд 11.7 км авто замын борооны ус зайлуулах шугам сүлжээ угсрахаар болжээ.

Мөн Сэлбэ дэд төв, Шархад дэд төвийн ажлын хүрээнд хоёр байршилд 7.2 км хөрсний ус зайлуулах шугам сүлжээ угсрах юм. Түүнчлэн энэ онд дараах ажлуудыг хийхээр төлөвлөөд байна.

• СБД 13, 14 дүгээр хорооны нутаг дэвсгэрт Сэлбэ голын үерийн ус хуримтлуулах 21.7 га мандлын талбайг хамарсан 1.3 сая шоо метр усыг хуримтлуулах багтаамжтай таван шатлалт усан сангийн барилга угсралтын ажлыг хийнэ.

• Үерийн хамгаалалтын барилга байгууламжийн 28 байршилд 48 мянган шоо метр лаг хагшаасыг цэвэрлэж үерийн сувгийн хэвийн ажиллагааг хангана.