Агаарын бохирдол манай улсын хамгийн том тулгамдсан асуудлын нэг билээ. Тиймээс иргэд аль болох цэвэр агаартай орчныг эрэлхийлж, гэр бүлээ бохирдлоос хол байлгахыг зорьдог. Улаанбаатар хоттой хамгийн ойр, цэвэр агаартай гэдгээрээ ялгарсан бүсүүдийн нэг болох Жаргалантын аманд байрлах “Жаргалт Вилла” хотхонтой танилцлаа.
Барилгын инженер Т.Очирхуяг: "Жаргалт Вилла" хотхон Хан-Уул дүүргийн 8-р хороо, Жаргалантын аманд байрладаг. Жаргалантын ам нь олон нийтийн сайн мэдэх Чингисийн хүрээ цогцолборын баруун талд орших, Улаанбаатар хотод хамгийн ойрхон цэвэр агаартай бүсийн нэг юм. Төв талбайгаас ердөө 18 км зайд байрладаг нь манай төслийн хамгийн том давуу талын нэг.
Хотхоны ерөнхий төлөвлөлтийн хувьд нэг га газарт нийт 23 айл оршин суухаар төлөвлөсөн. Газрын 70 хувийг ногоон байгууламж, 30 хувийг барилга байгууламж эзлэхээр экологи сайтайгаар зохион байгуулсан. Байшингийн сонголт гурван төрөлтэй.
101 м² талбайтай сингл хаус,
164.5 м² талбайтай твин хаус,
98 м² талбайтай таун хаус.
Барилгын хийцлэл бүрэн цутгамал бөгөөд 20 см зузаантай төмөр бетон ханатай. Дээврийн хийц нь ган карказ, зэвэрдэггүй төмөр нуруутай тул бат бөх, дулаан алдагдалгүй. Манай барилгууд эрчим хүчний хэмнэлтийн гэрчилгээтэй, дулаан хадгалалт сайтай гэдгээрээ онцлог.
Материалын сонголт дээр бид чанарыг нэгдүгээрт тавьсан. Жишээлбэл, цонхны хувьд Wicca брэндийн гурван давхар хатаалттай шилтэй, герман тоногтой, гаднын дулааныг буцааж алдагддаггүй тусгай түрхлэгтэй. Гадна хаалга нь ОХУ-ын Торекс брэндийн -50°C хүртэл дулаан тусгаарлах чадвартай хаалга. Грашны хаалга бүрэн автомат юм.
Дотор заслын материалууд мөн хүний биед хоргүй, экологийн шаардлага хангасан бүтээгдэхүүнээс бүрдсэн. Канадын Canap Storage брэндийн гипсэн хавтан, оросын эй сортын рейкин хавтан, Германы Iger брэндийн паркет, Солонгос обой зэрэг чанартай, аюулгүй материал ашигласан.
Хотхоны төлөвлөлт нь машины хөдөлгөөн хотхоны гадна тойрч, төв хэсэгтээ бүрэн ногоон байгууламж, хүүхдийн аюулгүй тоглоомын талбай бүхий орчин бүрдүүлсэн. Мөн бүх байшин 20 градусын налуугаар байрласан нь өвлийн нар өглөөнөөс орой хүртэл бүх өрөөнд тусахаар тооцоолсон ухаалаг шийдэл юм.
Худалдан авах нөхцөлийн хувьд Хаан Банкны ногоон зээлд хамрагдах боломжтой. Мөн компанийн өөрийн хувь лизинг болон бартерын төлбөрийн сонголт нээлттэй. Одоогоор зургаан айл оршин сууж байгаа бөгөөд эхний худалдаж авсан айлууд хоёр дахь жилдээ тав тухтай амьдарч байна. Бидний гол зорилго бол чанартай, эрүүл, байгальд ээлтэй материал ашиглан, хотын утаанаас хол, тав тухтай орчныг гэр бүл бүрт бүрдүүлэх явдал юм.
"Жаргалт Вилла" хотхоны оршин суугч А.Төрболд: Улаанбаатарын агаарын бохирдол үнэхээр их болсон. Өвчлөл нэмэгдэхэд ч шууд нөлөөлж байгаа учраас хүмүүс цэвэр агаарт амьдрахыг эрмэлзэх нь ойлгомжтой. Утаа удаан хугацаанд хүний эрүүл мэндийг муутгадаг болохоор манай гэр бүл ч гэсэн боломжит бүх газрыг судалж, хаана илүү эрүүл орчинд амьдарч болохыг нэлээд хайсан.
Бид Зайсан, Арцад, Нүхт, Хүүшийн ам гээд очиж болох бүх газраар явж үзсэн. Гэхдээ хаана ч очсон агаарын бохирдол, утааны асуудал хэвээр байлаа. Тийнхүү Улаанбаатар хотод хамгийн ойрхон, цэвэр агаартай ганц бүс нь Жаргалантын ам гэдгийг мэдсэн. Тиймээс бид энэ хотхоныг сонгохоор шийдсэн юм.
Энд цэвэр агаар ямар ч цагт мэдэгддэг. Манай гэр бүл бүтэн долоо хоног эндээ амьдардаггүй ч долоо хоногийн дөрвөн өдөр хотод ажиллаад, үлдсэн гурван өдөр нь энд ирж цэвэр агаарт амьсгалдаг. Ядаж л амьдралынхаа 40 хувийг эрүүл орчинд өнгөрөөе, бохирдлоо багасгая гэсэн бодлоор энэ газрыг сонгосон.
Хотхоны өөр нэг давуу тал нь эрчим хүчний хэмнэлттэй, дулаан алдагдалгүй ногоон шийдэлтэй. Мөн төрийн тусгай хамгаалалтын бүсэд биш, иргэдийн зуслангийн газарт багтдаг учраас газраа эзэмших боломжтой, цаашдаа өмчлөх ч боломж бүрдэх байх. Байшингийн гэрчилгээ нь орон сууцны зориулалттай учраас аялал жуулчлалын отог гэх мэт эргэлзээтэй ангилалд ордоггүй. Энэ нь банкны зээлд хамрагдах боломжийг ч илүү хялбар болгосон. Жишээлбэл, Хаан Банкнаас ногоон зээлд шууд хамрагдах боломжтой байсан нь бидэнд том давуу тал болсон.
Улаанбаатарын агаарын бохирдол эрүүл мэндэд сөргөөр нөлөөлж буй энэ үед иргэд цэвэр агаартай, аюулгүй орчныг хайсаар байна. Энэ хэрэгцээнд нийцсэн цөөн бүсийн нэг бол хотын төвөөс 18 км зайд орших, жилийн турш цэвэр агаараараа ялгардаг Жаргалантын ам юм. Тус бүсэд хэрэгжиж буй “Жаргалт Вилла” хотхон нь экологи төлөвлөлт, чанартай хийц, эрчим хүчний хэмнэлттэй шийдлээрээ онцлог байлаа. Бүрэн цутгамал хийц, дулаан алдагдал багатай материал, 70 хувийн ногоон байгууламж, машины хөдөлгөөнийг гадагш төвлөрүүлсэн зохион байгуулалт зэрэг нь хотхоны гол давуу тал юм.
Оршин суугчдын хувьд Жаргалантын амын цэвэр агаар энд суурьших гол шалтгаан нь болжээ. Үүн дээр банкны ногоон зээлд хялбар аргаар хамрагдах боломж нэмэгдсэнээр “Жаргалт Вилла” хотхон нь утаанаас хол, эрүүл орчинд амьдрахыг хүссэн хүн бүрийн сонголт болж байна.
