Counter Strike-2 (CS2) тоглоомын "Thunderpick World Championship 2024″ буюу 850 мянган ам.долларын шагналын сантай тэмцээнд  “The MongolZ” баг урилгаар оролцож байна. Тус тэмцээний хэсгийн шат нь онлайнаар өчигдөр буюу аравдугаар сарын 22-ноос эхэлсэн байна. “The MongolZ” баг онлайнаар тэмцээндээ оролцохын тулд Сербийг зорьж, хэсгийн шатны тоглолтуудаа хийлээ. Тэд өчигдөр хоёр ч тоглолтыг хийж, плей-оффын эрхээ авсан байна. Тухайлбал, эхний тоглолтоо Америкийн "Cloud9" багийн эсрэг хийж, 2-0 гэсэн харьцаатай буулгаж авчээ. Тус тоглолтод "The MongolZ"-оос Senzu болон BLitz нар үзүүлэлтээрээ багаа манлайлжээ. Үргэлжлүүлэн хоёр дахь тоглолтоо Fnatic-ийн эсрэг хийж, 2-0 гэсэн харьцаатай хожиж, плей-оффын шатанд буюу хасагдах шатанд шалгарлаа.

Энэхүү тэмцээний плей-оффын тоглолтууд Герман улсын Берлин хотын "LVL Dome" аренад болно.