• iToim сайтын техникийн шинэчлэл хийгдэж байна!
Цэс

​ЦЕГ-аас хорт "мими"-гийн талаар сэрэмжлүүлэг гаргалаа

iToim агентлаг "мими" гэх хорт бодисын хэрэглээг таслан зогсоох талаар асуудал дэвшүүлсэн цуврал материал бэлтгэн хүргэж ирсэн. Одоогоор тус бодисын хэрэглээ хамгийн өндөр байгаа Өмнөговь аймгаас сонгогдсон УИХ-ын гишүүн Н.Амарзаяа Засгийн газарт асуудал тавиад байгаа бол Өмнөговь аймгийн Цагдаагийн газар, Гаалийн ерөнхий газар, Улсын ерөнхий прокурорын газраас энэ асуудлаар байр сууриа илэрхийлээд байгаа юм. Өнөөдөр Цагдаагийн ерөнхий газраас "мими"-гийн асуудлаар сэрэмжлүүлэг гаргасан тухай бидэнд мэдээллээ.

СЭРЭМЖЛҮҮЛЭГ

“Монгол Улс уул уурхайн чиглэлээр идэвхитэй үйл ажиллагаа явуулж эхэлснээр БНХАУ-тай хил залгаа авто замын боомтоор нүүрс болон ашигт малтмал их хэмжээгээр экспортлох болж, уул уурхайн салбар дагасан хууль бус үйлдлүүд нэмэгдэх боллоо. Өмнөговь аймгийн Гашуунсухайт, Шивээхүрэн зэрэг боомтоор нүүрс тээвэрлэж буй иргэд БНХАУ-аас ми ми гэх бодисыг худалдан авч өөрсдөө хэрэглэх,хилээр хууль бусаар нэвтрүүлэх, бусдад худалдаалах үйлдэл гардаг. Уг бодисыг хэрэглэсэн тохиолдолд хүний биеийн төв мэдрэлийн тогтолцоог идэвхжүүлэхзүрхний хэмнэл ихэсгэх замаар нойр хурэх явцыг удаашруулж нойргүйдэлд хүргэдэг. Тунгхэтрүүлсэн тохиолдолд зүрхний хэм алдагдаж, зүрх судасны үйл ажиллагаанд өөрчлөлт орох аюултай ба удаан хугацаанд хэрэглэхэд үгүйлэх хам шинж илэрдэг хор уршигтай болдог тухай мэргэжлийн байгyуллагаас дугнэжээ. Зарим бодисын найрлагад шинжилгээ хийхэд Fenetyline, Penteyline зэрэг сэтгэцэд нөлөөт бодисын агyуламж илэрсэн тохиолдол бүртгэгдсэн байна. БНХАУ-д ми ми гэх бодисыг сэтгэцэд нөлөөт бодисын жагсаалтад тооцож, үүнийг хууль бусаар хилээр нэвтруулсэн, худалдсан, олж авсан этгээдэд хуулийн хариуцлага хулээлгэдэг. 

Монгол Улсын хувьд Эруугийн хуулийн 198 дугаар зүйл /зохих зөвшөөрөлгүй этгээд хууль бусаар эмүйлдвэрлэх, импортлох, худалдах, тугээх үйл ажиллагаа явуулсан бол/-д зааснаар 5 жил хүртэл хугацаагаар хорих ялаар шийтгэх ба хүндрүүлэх бурэлдэхүүнтэй үйлдсэн бол 5-аас дээш 10 жил хүртэл хугацаагаар хорих ялаар шийтгэхээр хуульчилсан байна. 2013-2016 онуудад энэ төрлийн гэмт хэргийн шинжтэй гомдол мэдээлэл 11 бүртгэгдэж, шүүхээр 5 хэрэг шийдвэрлэгдэж, 3 материалыг эрүүгийн хэрэг үүсгэхээс татгалзаж, мөрдөн байцаалтад 3 хэрэг шалгагдаж байна. Иймд ард иргэдийг энэ төрлийн хорт бодисоос өөрийгөө болон бусдыг хамгаалах, хууль бусаар хилээр нэвтруулсэн тохиолдолд эрүүгийн хариуцлага хулээхийг сэрэмжлүүлж байна.

ЦАГДААГИЙН ЕРӨНХИЙ ГА3АР
Холбоотой нийтлэлүүд:
  1. Хорт 'мими'-г хориглож иргэдээ хамгаалаач, А.Цогцэцэг сайд аа http://itoim.mn/index.php/site/news/8295
  2. Б.Сүхбаатар: Өнгөрсөн жил 18 кг “мими” хилээр оруулахыг завдлаа шүү дээ http://itoim.mn/index.php/site/news/8324
  3. Н.Амарзаяа: “Мими”-г Засгийн газрын тогтоолоор хориглуулах асуудлыг тавина, шаардана http://itoim.mn/index.php/site/news/8355
  4. УИХ-ын гишүүн Н.Амарзаяа “мими”-г хориглуулахаар Засгийн газарт ханджээ
    http://itoim.mn/index.php/site/news/8419
iToim.mn таалагдсан бол:

Нийтэлсэн огноо: 2017-03-10 10:36:09


Нийт сэтгэгдэл: (2)

АНХААРУУЛГА: Уншигчдын бичсэн сэтгэгдэлд itoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Баярлалаа. Таны сэтгэгдлийг хүлээн авлаа.

  1. Tuya (188.64.26.220) 2017-03-10 16:50:48
    Manaikhan amnaas am damjij yanz buriin yum heregledegee odoo boliyo eruul mongol hunees eruul huuhed turnu khoich ue ur udamaa eruul ukhaantai bailgaj turuulii gej bodoj baival odoonoos hun bolgon hicheej yanz buriin yum hereglehgui mun emiin zohisgui hereglee zogsooj gadaadaas orj irsen khool huns hereglehgui sain medee medeelel avch avch baigaa zuiliin chini orts nairlaga yu baina gej unshij sudaldag boltsgooyo bid kharanlhui buduuleg munlhag bish shuu dee yum sain unsh sudal ulamjlalt hool hunsee idtsgeeye mongoliinhoo hursun deer urgasan nogoo tsagaagaa idii kharin gazar tarialangiinkhan maani himiin bordoo hereglehgui yag organic hunseer ard tumnee khangaj baikh heregtei khun bolgon bie khort bodisoos tseverlej matsag barij byasalgal hiij surii uuniig hiij surval mash amar amgalan bolno tolgoi sain ajillana dandaa uudrug husel temuuleltei bie bie hundetgej khairlaj surii amidral boginokhon tertee teegui bie zasaad turuu zas gej yaridag hun bolgon hicheej amidartsgaaya minii ard tumen ukhaan siireg huchtei humuus bi chadaj baikhad ta chadna ta buhendee amjilt husii.
  2. Зочин (112.72.6.30) 2017-03-10 12:26:33
    Баасаар юу хийдэг байна аа, манайхан өөрсдөө дандаа хүнд өгөөш болно оо.

Танд санал болгох