• iToim сайтын техникийн шинэчлэл хийгдэж байна!
Цэс

Урьдчилгаа төлбөргүй ипотекийн зээлд хамрагдах эхний иргэн байрны түлхүүрээ гардлаа

Улаанбаатар хотын агаарын бохирдлыг бууруулах хамгийн зөв гарц нь гэр хорооллыг орон сууцжуулах гэж хотын удирдлагууд үзэж байна. Өнөөдрийн байдлаар нийслэлд 216 мянган өрх орон сууцаар хангагдаагүй, эрүүл ахуйн эрсдэлтэй орчинд амьдарч байгаа юм. Иргэдэд орон сууц худалдан авахад тулгардаг гол асуудал нь урьдчилгаа төлбөр байдаг. Тиймээс Нийслэлийн Засаг дарга бөгөөд Улаанбаатар хотын Захирагч С.Батболдын санаачилгаар Гэр хорооллыг хөгжүүлэх сан байгуулж, Улаанбаатар хотын агаарын чанарыг сайжруулах 1, 2 дугаар бүсийн оршин суугчид орон сууцны ипотекийн зээлийн урьдчилгаа 30 хувийн төлбөрөө Гэр хорооллыг хөгжүүлэх сангаас төлүүлэх боломж бий болсон билээ.

Гэр хорооллыг хөгжүүлэх санд хамрагдаж, шаардлага хангасан анхны иргэн орон сууцны түлхүүрээ хотын даргаас өнөөдөр гардан авлаа. Чингэлтэй дүүргийн 16 дугаар хорооны иргэн Н.Одончимэг өмнө нь урьдчилгаа 30 хувийн төлбөрөө төлөх боломжгүйгээс орон сууцанд хамрагдаж чаддаггүй байснаа ярьж байсан юм. Тэрбээр “Өнөөдөр маш их баярлаж байна. Гэр хорооллыг хөгжүүлэх сан байгуулагдсан талаар сонсоод өргөдлөө өгч бүртгүүлсэн. Энэ бол үнэхээр цаг үеэ олсон ажил гэж бодож байна. Гэр хороололд амьдардаг бид бүгд тохилог орон сууцанд орохыг хүссэн ч мөнгө хуримтлуулж чадаагүй учраас ипотекийн зээлд хамрагдаж чаддаггүй байсан. Одоо бол газраа санд нийлүүлээд урьдчилгаа төлбөрөө төлүүлэх болсонд маш их баярлаж байна. Би “Шинэ өргөө” хотхонд байр авсан. Өнөөдөр түлхүүрээ авлаа. Хотын дарга, удирдлагуудад маш их баярлалаа” хэмээв.

“Хотын утааг бид зөвхөн өвөл биш жилийн 4 улиралд ярьж, анхаарах хэрэгтэй. Утааг багасгах гол ажил нь гэр хорооллыг орон сууцжуулах юм. Гэр хорооллыг хөгжүүлэх санг байгуулснаас хойш 2000 гаруй иргэн хандсан байна. Бид үүнийг судлаад, банкуудтайгаа хамтран шийдэх болно” хэмээн Нийслэлийн Засаг дарга бөгөөд Улаанбаатар хотын Захирагч С.Батболд ярилаа.

Нийслэл хотод эзэндээ очиход бэлэн болсон ч иргэд худалдан авах боломжгүйгээс борлуулагдаагүй байр олон бий. Гэр хорооллыг хөгжүүлэх сан байгуулагдаж, иргэд урьдчилгаа төлбөр төлөлгүйгээр орон сууц худалдан авах боломжтой болсон нь барилгын зах зээл, барилгын компаниудыг ч давхар дэмжсэн ажил болж байгааг барилгын салбарынхан хэлж байна. Гэр хорооллыг хөгжүүлэх санд хамрагдах хүсэлтэй иргэд Нийслэлийн Гэр хорооллын дэд бүтцийн газарт хандан, өргөдлөө өгөх юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

iToim.mn таалагдсан бол:

Нийтэлсэн огноо: 2017-07-07 11:17:12


Нийт сэтгэгдэл: (8)

АНХААРУУЛГА: Уншигчдын бичсэн сэтгэгдэлд itoim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Баярлалаа. Таны сэтгэгдлийг хүлээн авлаа.

  1. Зочин (150.129.142.75) 2017-07-10 02:29:23
    Ер нь бол газраа үнэлүүлэхгүй банкны хүүнд зүгээр дахин нэг байр авах хэмжээний хүү төлж байна. Энэ банкны луйвар уу. Эсьэл эрх баригчидын хувааж идлэг аргын нэг үү.
  2. Зочин (202.70.46.213) 2017-07-07 12:24:25
    Sain bna aa. Hotiin darga buyantai ajil hiisen bna
  3. Иргэн (202.70.46.218) 2017-07-07 12:11:55
    Дээр нь бүхэл бүтэн орон сууц барьчих газраа урьдчилгаанд өгөх хэрэг үү?
    1. Зочин (202.70.46.213) 2017-07-07 12:23:29
      Barichihdag baisan bol ene olon hun yu gej ger horoolold amidraad baih ve dee. Neg ch gesen hun tohilog bairand oroh ni sain hereg.
  4. Zochin (27.123.214.122) 2017-07-07 12:09:02
    Za daa unen bolov uu daa. MAN d hulhiduulsaar bgaad hashiraad bna shuu. Urgelj hoshgoruulchih yum daa. Bid ch хошгорч ханахгүй юм. Мань мэт нь хаана байрлалтай ямар газар очиж өргөдлөө өгч юу бүрдүүлэхээ мэдээгүй байхад ямар хүмүүс нь түлхүүрээ гардаж авдаг байнаа. Манай төрийн ажил ийм хурдан шуурхай байдаг болоо юу Урьдчилаад материалаа авч байсан юм уу. Үгүй байлгүй дээ. Сонгуулийн шоу байх тиймүү.
  5. Зочин (202.72.242.5) 2017-07-07 11:40:20
    овоо шийдвэр гаргасан байна 30 хувиа л төлүүлчихвэл бусдыг нь төлөөд л явна даа
  6. Зочин (139.5.219.102) 2017-07-07 11:38:05
    Bair avchih gazraaraa bairnii urdchilgaand uguh hereg uu
    1. Зочин (202.70.46.213) 2017-07-07 12:27:35
      Bair avchihdag baisan bol yu gej ger horoolold utaan dund, haluun, huiten usgui nuhtsuld amidrah ve dee. Bairtai baih Sihan shuu.

Танд санал болгох