УИХ-ын гишүүн Х.Ганхуягаас цаг үеийн асуудлаар тодрууллаа. 

-МАН-ын Хяналтын ерөнхий хорооноос Хөгжлийн банкны асуудалд холбогдсон гишүүдийг дөрөвдүгээр сарын 10-ны дотор хууль хяналтын байгууллагад шалгуулах хүсэлтээ өг гэж үүрэгдсэн. Та өгсөн үү?

-Өгсөн. Авлигатай тэмцэх газар хүсэлтээ өгсөн.

-Прокурорт өгсөн үү?

-Үгүй.

-Хүсэлтээ өгснөөс хойш танаас мэдүүлэг тайлбар авсан уу?

-Аваагүй. Өнөөдөр ирээрэй гэж дуудсан. Өнөөдөр очиж тайлбар мэдүүлгээ өгнө.

-Таны хамаарал бүхий компани зээл авах үед Хөгжлийн банкны гүйцэтгэх захирал байсан Г.Амартүвшин УИХ-ын гишүүний бүрэн эрхээсээ татгалзах хүсэлт гаргасан. Зээл авсан та яах вэ?

-Би хууль зөрчсөн зүйл юу ч хийгээгүй. Түүнийгээ нотлохын тулд шалгуулах хүсэлтээ өгсөн. Манай компанийг бас шалгаж байгаа. Би бизнес хийдэг байсан нь хууль зөрчсөн үйлдэл биш юм бол өөр юун дээр үндэслэж түдгэлзэх вэ гэдэг нь сонин. Хууль хяналтын байгууллагад миний бие хүндэтгэлтэй хандаж байгаа. Дуудсан цагт нь очиж тайлбар мэдүүлэг, тодруулгаа өгнө.

-АТГ-аас таны хамаарал бүхий объектод нэгжлэг хийсэн гэж үнэн үү?

-Хийсэн байх аа. Ноцтой юм олсон гэж бодохгүй байна.