Өнгөрсөн амралтын өдрүүдэд /долдугаар сарын 25-26/ Тээврийн цагдаагийн албанд 303 зам тээврийн ослын шинжтэй дуудлага мэдээлэл бүртгэгдсэн. Бүртгэгдсэн зам тээврийн ослын улмаас 7 хүн гэмтсэн байна. Харин ноцтой зам тээврийн ослын улмаас орон нутагт 4 хүний амь нас хохирсноос нэг нь хүүхэд байна.
Ноцтой зам тээврийн ослоос дурдвал:
-Долдугаар сарын 25-ны өдрийн 7 цагийн орчим Дундговь аймгийн Дэлгэрцогт сумын “Хан хошуу” гэх газарт асфальтан замд Toyota-Prius маркийн автомашин онхолдож , зорчигч 25 настай, эмэгтэй Д-гийн амь нас хохирсон.
-Долдугаар сарын 25-ны өдрийн 08 цагийн орчим Говь-Алтай Бигэр сум 4-р баг Хөх хонд гэх газарт шороон замд Мустанг-5 маркийн мотоцикл онхолдож, жолооч 47 настай, эрэгтэй О-гийн амь нас хохирсон.
-Долдугаар сарын 24-ний 21 цагийн орчим Увс аймаг тариалан сумын 2-р баг “Хужиртын адаг” гэх газарт Kia-Bongo маркийн автомашины жолооч хөдөлгөөн эхлэхдээ 1 нас 4 сартай эрэгтэй хүүхдийг мөргөж амь насыг хохироосон.
-Долдугаар сарын 26-ны 06 цагийн орчим Хөвсгөл аймаг Ханх сум 1-р баг “Сэвсүүл” гэх газарт шороон замд Toyota-Raun маркийн автомашин жолооч, явган зорчигч 56 настай, эрэгтэй О-г мөргөж амь насыг хохироосон харамсалтай хэрэг тус тус бүртгэгдсэн байна.