Улсын онцгой комиссын хурал 18.30 цагт эхэлж дөнгөж сая дууслаа.

Хуралдаанаар цар тахал нэмэгдэж байгаатай холбоотойгоор авч хэрэгжүүлэх арга хэмжээний талаар хэлэлцсэн байна. Халдварын тоо нэмэгдэж байгаа ч бүх нийтийн хатуу хөл хорио тогтоохгүй. Харин халдвар идэвхтэй байгаа газруудад хэсэгчилж хөл хорио тогтоох шийдвэр гаргажээ. Мөн дөрөвдүгээр сарын 5 хүртэл улбар шар горим дээрээ байхаар шийдвэрлэжээ. УОК-ын хуралдаанаас гаргасан шийдвэрийг лхагва гаригийн Засгийн газрын хуралдаанаар хэлэлцэн шийдвэрлэх юм.

Хуралдаанаар хэлэлцсэн асуудлын талаар Шадар сайд С.Амарсайхан, Эрүүл мэндийн сайд С.Энхболд болон холбогдох албаныхан мэдээлэл өглөө. 

Хуралдааны үеэр Эрүүл мэндийн сайд С.Энхболд хатуу хөл хорио тогтоох саналаа илэрхийлсэн ч УОК-ын бусад гишүүд дэмжээгүй байна.