Олон улсад нэр хүндтэй "Amsterdam & Partners LLP" хууль эрх зүйн фирм Монгол Улсын Ерөнхий сайд асан Ч.Сайханбилэгийн өмгөөлөгчөөр ажиллах болсон талаарх мэдээллийг албан ёсны вэб сайтаараа дамжуулан мэдэгджээ.
Тус мэдээлэлд, Монгол Улсын Засгийн газрын тэргүүн, Ерөнхий сайдаар 2014-2016 онд ажиллаж байсан Чимэдийн Сайханбилэгийг Монголын АТГ-аас хэд хэдэн хуурамч эрүүгийн хэрэгт буруутган шалгаж байгаа юм. Уг хэргүүд дээр Монголын Ерөнхий сайд асан Ч.Сайханбилэг "Amsterdam & Partners LLP"-ийг олон улсын өмгөөлөгчөөр ажиллуулахаар болсон гэжээ.
Ерөнхий сайд асан Ч.Сайханбилэгийг 2015 онд "Рио Тинто" компанитай Оюу Толгойн гүнийг уурхайг хөгжүүлэх, санхүүжилтийн төлөвлөгөө байгуулах хэлэлцээрт оролцохдоо бусдад давуу байдал олгосон, эрх мэдлээ хэтрүүлэн ашигласан зэрэг дөрвөн хэрэгт холбогдуулж шалгаж байгаа юм.
"Ерөнхий сайд асан Ч.Сайханбилэгийг эдгээр хэрэгт буруутгаж байгаа нь ямар ч ач холбогдолгүй бөгөөд нотлох баримт дутмаг байна. Гэм буруугүйн асуудлыг хөндөж, хууль шүүхийн зүй бус үйлдлүүдийг нотолж, үйлчлүүлэгчийнхээ эрхийг хамгаалах болно гэж Амстердам ба Партнерс ХХК-ийг үүсгэн байгуулагч хуульч Роберт Амстердам хэлэв.
Тэрээр цааг хэлэхдээ "Шүүхийн хараат бус байдал, хуульт ёсонд Монгол Улсын одоогийн Засгийн газар халдаж байна. Ерөнхий сайд асан Ч.Сайханбилэг Оюутолгойтой холбоотой уул уурхайн гэрээг хийхдээ ил тод байдлыг хангаж, парламентад танилцуулж, бүрэн эрхийн дагуу хэлэлцээр хийсэн.Түүнийг гүтгэж буй нь үндэслэлгүй, хавчлагат кампанит ажил нь тухайн улсын шүүх тогтолцоонд сөргөөр нөлөөлөх, цаашлаад Монгол Улсын гадаадын хөрөнгө оруулалтын байдалд сөрөг нөлөө учруулж байна. Манай компани Ерөнхий сайд асан Ч.Сайханбилэгийн нэрийн өмнөөс үүссэн асуудлуудад хуулийн дагуу хариу өгөх өргөн хүрээний хувилбаруудыг судлахаар ажиллаж байна” гэжээ.
