МАН-ын Бага хурал үүрийн 05.00 цагийн үед өндөрлөжээ. МАН-ын Бага хурлаар Монгол Улсын Ерөнхий сайдад нэр дэвшигчид танилцуулга хийж, мөрийн хөтөлбөрөө танилцуулсны дараа санал хураалт явууллаа. Санал хураалтад 294 гишүүн оролцсоноос 188 нь буюу 63.9 хувь Монгол Улсын 30 дахь Ерөнхий сайдад У.Хүрэлсүхийг нэр дэвшүүлэхийг дэмжсэн байна. Харин нэр дэвшигч Ө.Энхтүвшинд 101 гишүүн саналаа өгсөн бол Н.Энхболдод 5 хүн саналаа өгчээ.

Монгол Улсын Ерөнхий сайдад У.Хүрэлсүхийг нэр дэвшүүлэх саналыг аравдугаар сарын 2-нд нээх УИХ-ын намрын чуулганаар хэлэлцэн шийдвэрлэнэ.

Намрын чуулганаас өмнө МАН Удирдах зөвлөл хуралдаж шинэ Засгийн газрын бүтэц бүрэлдэхүүний асуудлыг хэлэлцэх аж. 

Ерөнхий сайдад нэр дэвшигч Шадар сайд У.Хүрэлсүхийн товч намтар

Төгссөн сургууль, мэргэжил

• 1985 онд Нийслэлийн 10 жилийн хоёрдугаар дунд сургууль